SCIOGLILINGUA, FILASTROCCHE, TIRITÉRE e GIROTONDI
Addiinucchiùni, cugghìa-cuttùni; addinucchiùni, cuttùni-cugghìa
 
 
 

Dumàni è dumìnica,
ci tagghiàmu 'u coddru a Minica!
Minica 'un c'è!
Ci tagghiàmu 'a testa 'o re!
'U re è malatu!
Ci tagghiàmu 'a testa 'o surdàtu!
'U surdatu è a la vèrra!
E dàmu tutti 'u cozzu 'ntèrra!
Sèttete!

 
Camìnu senza scùsciu
chî scarpi ri camòsciu
c'u beddhru taccu vàsciu
e c'u puntiàtu lìsciu
passu ravant'u fàsciu
c'a coppula 'i pelùsciu
lèvati chi t'arrùsciu
ma sinnò ti pìsciu ...
[G. Di Marzo op.cit]
.
Lùnniri, 'un ti cunfùnniri.
Màttiri, 'un ti pàttiri.
Mèccuri, mètti 'u pani ne' vèttuli.
Iòviri, 'un ti mòviri.
Vènnari, chiddri ri ccà vànnu ddrà, chìddri ri ddrà vènnu ccà.
Sàbbatu è viggìlia,
Rumìnica è festa.
 
Manu-manùzza..lè
passàmu d'i tri r-rè
passàmu da' Bata Nòva
cascavaddrùzzu e pisci cull'òva...tetèe
 
Dumàni veni 'a palùmma
nni porta pani e tùmma:
annìcchia o' papà,
annìcchia a' mamà,
e mastru Carlìcchiu
s'assètta..cà!

Tri, tri, tri
setti fimmini pi un tarì
un tarì a pocu a pocu
setti fimmini pi un piccòcu
lu piccòcu è duci duci
setti fimmini pi 'na nuci
e la nuci avi la scòccia
setti fimmini pi 'na boccia
e la boccia è arruzzulusa
setti fimmini pi 'na busa
e la busa è fina fina
setti fimmini pi 'na tina
e la tina perdi acqua
setti fimmini pi 'na vacca
e la vacca avi li minni
picchi pacchi
acchiana e scinni.

 

Imitando la formula del segno della croce, ma senza intenti dissacranti:

"Nòmini 'e patri,
scàccia-balati,
cìciri-còtti
e favi-caliàti!

 
Sà si si-susìu, Sasà? Si, si-susìu. 'E sei si susìu, Sasà! E sasittàu su' sofà!
 
Petru, pitràzza
mungi la vaca.
Si vivi lu vinu
e ci pari ch'è acqua.
 

Patri Pepè!
Maccarrùna e tagliulìni,
a la facci' di parrìni!

Patri Pepè!
Maccarrùna e milingiàni,
a la facci' di salistàni!
in costruzione
autru